Бүтээгдэхүүн, үйлчилгээнийхээ талаар зөвхөн хэрэглэгчдээс судалгаа, сэтгэгдэл авахаас гадна байгууллагынхаа дотоод ажилтнуудаас  ч мөн судалгаа авах нь байгууллагын үйл ажиллагааг сайжруулахад өндөр ач холбогдолтой.

Ажилтнууд аль ч салбар дахь байгууллагуудад тулгарч буй чухал асуудлуудын хариултыг олоход тусалж чаддаг. Учир нь удирдагчдын онолын түвшинд боловсруулсан  стратегийг, бодит амьдрал дээр тэргүүн шугам дээр гүйцэтгэж байгаа хүмүүс бол ажилтнууд.  Үүнээс гадна, ажилтнуудын үзэл бодлыг нээлттэй сонссон тийм судалгааг авах нь тэдний идэвх оролцоог илүү их нэмэгдүүлдэг.  Ажилтнуудын дуу хоолойг анхааралтай сонсох нь байгуулллагын соёлд ч ихээр нөлөөлдөг.

Байгууллагынхаа одоогийн соёлыг бодитоор ойлгож мэдсэнээр эргээд ажилтнуудын энгейжментийн түвшинг (идэвх оролцоог) сайжруулахад их нөлөөтэй. Өндөр түвшний энгейжменттэй ажилтнууд үйлчлүүлэгчдэд танай брэнд, имижийг эерэгээр харуулахад шууд нөлөө үзүүлнэ.

Ажилтнуудаас авах санал хүсэлтийн хөтөлбөрийг  (судалгааг) амжилттай хийх

Ажилтнуудаасаа авах судалгааг боловсруулахдаа өөрийн брэндийн онцлогийг ойлгох нь чухал юм.

Амжилттай байгууллага бүр өөрийн гэсэн өвөрмөц соёлыг бий болгохыг хичээж  байдаг бөгөөд ажилчдын санал хүсэлтийг авах судалгаа нь тухайн үйл явцын чухал тулгуур багана болдог. Тиймээс эдгээр судалгааны боловсруулалт дээр маш сайн анхаарах.  Хамгийн гол нь судалгаанаас авсан хариултууд нь чухал өөрчлөлтүүдийг хийхэд нөлөөлөхүйц, зөв асуулгуудтай байх нь чухал.

Ажилтнуудаас авах нэргүй судалгаа нь байгууллагууд дээр нэлээд түгээмэл  хэрэглэгддэг. Оролцогчдын  хэн болохыг тодорхойлохгүйгээр судалгаа авах нь нэгэн хэвийн, өрөөсгөл хариулт өгөх байдлыг хязгаарладаг боловч, энэхүү санал дээрээ үндэслэн алхам хийлгэхэд нэлээд төвөгтэй болгодог.

Харин зүгээр л нээлттэй байдлаар ажилтнуудынхаа дуу хоолойг сонсох нь ажилчдыг өөрсдийнхөө ажлын гүйцэтгэлийг 4.6 дахин нэмэгдүүлэхэд тусалж чадах боловч, хэрэв удирдлага олж авсан мэдээлэл дээр суурилан ямар нэг өөрчлөлтүүдийг хийхгүй бол, эргээд энгейжментийн түвшинг маш ихээр бууруулдаг.

Өөр нэг судалгааны чиг хандлага бол net promoter score буюу байгууллагын үнэнч ажилтнуудын хувийг тодорхойлох аргачлал юм. Энэ аргачлалыг үнэнч хэрэглэгчдийг тодорхойлоход түгээмэл ашигладаг. Үйлчлүүлэгчдээс тухайн бүтээгдэхүүн үйлчилгээг санал болгох магадлалыг 0-10 хооронд үнэлэхийг асуудаг. Яг энэ аргаар ажилтнуудаас өөрийнхөө ажлыг ойр дотныхоо хүмүүст санал болгох хэр магадлалтай вэ гэж асууж болно. Ажилтуудын ихэнх нь 7-оос доош оноо өгсөн бол,  ажилтнууд ямар хэсгүүд дээр ажилдаа сэтгэл ханамжгүй байна  вэ гэдгийг удирдлага илрүүлэх шаардлагатай бөгөөд улмаар шаардлагатай арга хэмжээг авах хэрэгтэй.

Дээрх судалгаануудыг байгууллагын соёлыг сайжруулахад  хэрэглэж болохоос гадна, хэрэглэгчийн үйлчилгээ авах үедээ сэтгэл хангалуун бус байдаг үе шат, хэсгүүдийг тодорхойлж, мөн сайжруулалтыг хийхэд ашиглаж болох юм. Хэрэв танайх хэрэглэгчийн мэдрэмжийн судалгааг хйисэн бол хэрэглэгчид үйлчилгээний аль аль хэсгүүд дээр хамгийн сэтгэл дундуур байдгийг тодорхойлсон байгаа. Тэдгээр  үзүүлэлтүүд ч мөн энэхүү ажилтнуудын судалгааны үзүүлэлтүүдтэй таарч байх ёстой.

Хэрэглэгчийн болон ажилчдын санал хүсэлтийн судалгааг  нэгтгэн дүгнэх

Хэрэглэгчийн мэдрэмжийн судалгаа болон, ажилтнуудын сэтгэл ханамжийн судалгааг нэгтгэн, хаана ямар асуудлууд байгааг илүү тодорхой харах боложтой бөгөөд үүний дагуу оновчтой арга хэмжээ авч болно.

Хамгийн гол нь авсан судалгааны тайланг ажилтнуудад мэдээллэж, тэднийг байгууллагын удирдлага сонссон бөгөөд хамтдаа асуудлыг шийдэх гарцуудыг санал болгож, үйлдэх нь судалгааны үр дүнг тодорхойлно.

Танай байгууллага ийм судалгааг бидэнтэй хамтран хийх боломжтой.