Цаг хугацаа өнгөрөхийн хэрээр хэрэглэгчийн нийтлэг хүсэлтүүдэд өгөх хариултуудыг  автоматжуулах боломжтой болсон бөгөөд энэ нь танай байгууллагын харилцагчийн үйлчилгээ илүү үр ашигтай болгож чадах юм. Гэсэн хэдий ч,  chatbot-той хамтарч ажиллаж байгаа хэрэглэгчийн үйлчилгээний ажилтнуудын  аль тал дээрээ тэргүүлэх ач холбогдол өгч ажиллах вэ гэдэг дээр бодоход  хүргэж байгаа юм. Өөрөөр хэлбэл, нийтлэг  асуудлууд дээр анхаарлаа төвлөрүүлэхийн оронд  ирээдүйд хэрэглэгчдээс ирж болох хүсэлтүүдэд хэрхэн нийцүүлж үйлчилгээ үзүүлэх тал дээр ажиллах, эсвэл илүү ярвигтай асуудлууд дээр төвлөрч ажиллахад илүү их анхаарах шаардлагатай болох юм.  Энэ нь танай байгууллагын үйлчилгээний түвшин илүү сайжирч, харилцагч нарынхаа онцлогт тохирсон илүү оновчтой үйлчилгээг үзүүлэхэд томоохон дэм болно.

 Chatbot-ыг хэрхэн сургах вэ

Нэгдүгээрт, chatbot-т дата мэдээллийг өгөх ёстой.   Одоо ашиглаж байгаа үйлчилгээ авахад өгдөг тасалбар, үйлчлүүлэгчтэй харьцдаг мэдээллүүдийг энд ашиглаж болно. Улмаар chatbot нь  хэрэглэгчийн үйлчилгээний ажилтан болон үйлчлүүлэгчийн хооронд болсон харилцан яриануудаас, мөн асуудлыг шийдвэрлэхэд ямар материал ашигласныг харж суралцаж чадна.

Chatbot нь хэрэглэгчдээс хамгийн нийтлэгээр ирдэг асуултууд болон тэднээс ирдэг хандлагууд, үг хэллэгийг суралцаж, тохирсон хариултыг өгч сурч чадна.

Хоёрдугаарт, танай ажилтнуудад ч мөн сургалт хэрэгтэй. Chatbot-ыг ашиглаж эхэлсний  дараа ч ажилтнууд Chatbot-ын харилцааг хянах боломжтой. Шаардлагатай үед, зөв арга хэмжээ авч чадахын тулд ажилтнууд ч мэргэжлийн түвшинд бэлтгэгдэх хэрэгтэй.  Жишээлбэл, chatbot буруу үйлчлүүлэгчид буруу зөвлөгөө өгөх үед, үүнийг нь ажилтан засаж залруулж болно.

Гуравдугаарт, chatbot нь бүхий л цаг үед, харилцагчидтай шууд харилцаж байгаа учраас тэдний харилцаан дээр бий болсон мэдээлэл ба өгөгдлийг ашиглаж, дүн шинжилгээ хийж болно. Үйлчлүүлэгчид Chatbot-оос авсан үйлчилгээ дээр санал бодлоо илэрхийлэх боломжтой.   Дараа нь үүнийг гүйцэтгэлийг сайжруулахад ашиглаж болно.

Тиймээс Chatbot –ыг үйлчилгээнд нэвтрүүлэхийн тулд, ажилтан робот хоёрыг аль алиныг нь сургах шаардлагатай. Хамгийн гол нь шинэ хэрэглэгчдийг татаж, одоо байгаа үйлчлүүлэгчдээ илүү баяртай, сэтгэл хангалуун болгохын тулд ажилтнууд болон Chatbot ямар үйлчилгээ үзүүлж болох талаар бодох нь чухал.