Хэрэглэгч дэлгүүрт ороод яг адилхан олон янзын сонголтуудаас яг алиныг нь сонгох вэ гэж бодон нааш, цааш холхино. Энэ үед борлуулагч нар голдуу хэрэглэгч дээр очиж, худалдан авах шийдвэр гаргахад нь тусалдаг. Харин зарим нэг борлуулагчийн хийдэг алдаа бол, жишээ нь хэрэглэгч хөргөгч сонирхож байлаа гэж бодоход, шууд нэг хөргөгчийг заагаад үүнийг авбал зүгээр ш дээ, хэмээн хэрэглэгчийн хэрэгцээ, сонирхлыг ч асууж тандахгүйгээр санал болгодог. Улмаар тухайн хөргөгчийг санал болгож байгаа шалтгаан нь хэрэглэгчтэй огт холбоогүй байх. Жишээ нь, энэ хөргөгч нь арай өндөр, зай ихтэй байгаа биз дээ, ядаж л нүүр таглаж байгаа биз дээ  гэх. Харин хэрэглэгч үнэндээ, жижиг гал тогоондоо зориулан, нарийнхандуу, дунд зэргийн өндөртэй хөргөгч хайж байна. Энэ үед хэрэглэгч, үгүй ээ, надад тийм өндөр, зай ихтэй хөргөгч хэрэггүй. Би нарийхан, жижигэвтэр хөргөгч хайж байгаа юм гэж хэлнэ. Энэ үед худалдан авагч, борлуулагч хоёрын хоорондын харилцаан дээр эсрэг тэсрэг байдал үүсч бий болно. Улмаар, хэрэглэгч манай гал тогоо жижиг л дээ гэх мэт хэлэхийг хүсэхгүй мэдээллээ өгөх шаардлага үүснэ. Ийм сөрөг мэдрэмж хэрэглэгчид олон төрөх тусам, худалдан авах шийдвэртээ эргэлзэж, худалдан авалтаа хойшлуулдаг. Тиймээс борлуулагчийн хувьд хэрэглэгчийнхээ хэрэгцээ шаардлагыг тандалгүйгээр, шууд аль нэг бүтээгдэхүүнийг санал болгох, түүнийг хэт сурталчлах нь үр дүнгүй борлуулах үүсвэр болно. Борлуулалт хийх нь өөрөө олон үе шаттай, нарийн үйл явц, тактик байдаг бөгөөд энэ чадварыг бүрэн эзэмшснээр л борлуулалтаа амжилттай хаах боломжтой болдог. Борлуулалтын сургалтын талаар илүү дэлгэрэнгүй мэдээллийг contact@customer-smart.comболон 9933-9266 дугаараас аваарай.